العلاج بالطاقه هو اسلوب العلاج الاساسى اللى كان متبع فى دول الشرق القديمه زى الهند والصين وعند الفراعنه كمان, والريكى علم مستحدث اساسه اليابان اخد العلوم القديمه دى واعاد احيائها وعملها فى صورة منهج بسيط وقابل للتطبيق فى الحياه المعاصره.
الجهاز الطاقى بيتكون من مراكز ومسارات للطاقه, اى خلل او انسداد بيحصل فيها بيؤدى لحدوث الامراض سواء النفسيه او الجسمانيه.
اسباب الخلل ممكن تكون داخليه عن طريق الافكار او نمط الحياه غير الصحى او خارجيه بسبب التلوث والصراعات والاخبار السيئه والاشخاص السلبيه اللى فى حياتنا.
اللى بنعمله فى الجلسات اننا بنوازن طاقة الجسم وبنشيل اى انسداد او خلل طاقى اللى بدوره بيقوى الجسم وبيساعده على التشافى ويحميه من الطاقات السلبيه الخارجيه, ولو الشخص بياخد علاج دوائى بيسرع استجابة الجسم للعلاج وحصول الشفاء باذن الله