الين واليانج
الشمس والقمر
الذكورة والانوثة
نوعين من الطاقات موجودين فى جسم كل انسان
الجزء الايمن من جسم الانسان بيمثل الذكورة الشمس او اليانج: يعنى الحزم والقوة والفاعلية و العطاء والسيطرة
هو الجزء السلطوى المتعلق بالعمل والمنافسة والسلطة
الجزء الايمن كمان بيمثل علاقتنا مع الرجال فى حياتنا سواء زوج , اب , اخ او ابن
بالنسبة للرجال المشاكل فى الجزء الايمن من الجسم بتقول ان ممكن يكون عنده صعوبات بسبب المنافسة فى العمل او المسئوليات المتعلقة بدوره كرجل
وبالنسبه للسيدات فالمشاكل فى الجزء الايمن بتقول ان بسبب صعوبات الحياة ممكن تكون اتخلت عن دورها كانثى واتبنت دور اخر ذكورى
واحيانا المشاكل فى الجزء الايمن من جسمنا بتشير لوجود مشاكل بيننا وبين الذكور اللى فى حياتنا سواء اب او اخ او شريك او ابن
اما الجزء الايسر من جسم الانسان فبيمثل الانوثة القمر او الين: يعنى القدرة على الاهتمام بالاخرين والابداع والفن و القدرة على التواصل مع المشاعر والتعبير عنها وكمان القدرة على طلب المساعدة
والجزء الايسر كمان بيعكس علاقتنا مع الاناث فى حياتنا من ام وزوجة واخت وبنت
بالنسبة للرجال المشاكل فى الجزء الايسر ممكن تكون بسبب صعوبة التعبير عن المشاعر او اعتبارها ضعف او بسبب صعوبة ابداء الاهتمام والرعاية بالاخرين
وبالنسبة للنساء فالمشاكل فى الجانب الايسر ممكن تعكس عدم معايشتها لانوثتها والقيام بدور ذكورى مخالف لطبيعتها
او وجود مشاكل مع الاناث من ام او اخت او ابنه
حدوث التوازن:
لحدوث التوازن بين الجانبين لابد من معايشة دورنا والموازنة بين الاستماع للمشاعر والتعبير عنها وبين عيش حياتنا بعملية
الموازنة بين الحزم والاهتمام بالاخرين
الموازنة بين التفكير والاستماع لصوت القلب
تمرين:
من التمارين المفيده لموازنة الطاقة تمرين التنفس
يجلس الشخص مستقيم الظهر
يقوم بكتم احدى فتحتى الانف والتنفس من الفتحة الاخرى (شهيق كتم النفس ثم الزفير من نفس الفتحة)
ثم تبديل العملية من الفتحة الاخرى
ويكرر التمرين يوميا لمدة خمس دقائق
وفى النهاية هل بتحس بتكرار المشاكل او الامراض فى جزء من جسمك اكثر من الاخر؟وياترى ده بيقولك ايه؟