الحيوية والنشاط والقدرة على تحقيق الاهداف من اساسيات الحياة والشاكرا او مركز الطاقة المسئول عنهم هو شاكرا العجز ومكانها اسفل السرة
ايه علامات اتزان شاكرا العجز
- الحيوية
- الاستمتاع بالحياة
- الذكاء العاطفى
- ثقتك فى جودة الاشياء اللى بتنتجها او بتقوم بيها
- تقدير الذات
وايه العلامات اللى لو لقيتها موجوده تدلنى على وجود خلل او انسداد فى شاكرا العجز
- الشعور الدائم بالملل
- الخوف من التغيير
- الحساسية المفرطة
- الاعتمادية
- التغيرات المزاجية الغير مبررة
- ضعف الطاقة
ودى الحاجات اللى نقدر نقوم بيها علشان نوازن طاقة شاكرا العجز
- الاكل:الشاكرا دى اللون المؤثر فيها هو البرتقالى علشان كده المأكولات اللى لونها برتقالى زى البرتقال والمانجو والخوخ تقدر تساعد بشكل كبير على تحسين طاقتها وكمان جوز الهند والبذور زى بذور عباد الشمس (اللب السورى) وبذور القرع العسلى
- الزيوت العطرية زى البرتقال البرى والحبهان (نقطه من الزيت مخففه على معلقة زيت زيتون او جوز هند او زيت لوز) يا اما بنشغله فى فواحه جمبنا او بندلك بيه مكان الشاكرا مع التأكد من ضرورة تخفيف الزيت
- استخدام بعض الاحجار والكريستالات زى الكارنيلين ,العنبر, حجر الشمس والنحاس(بنلبسهم او نحطهم فى جيبنا او نحطهم جمبنا واحنا قاعدين)
- جلسات العلاج بالطاقة على ايد متخصصين بتساعد على فتحها واتزانها
- التأمل
وده تمرين نقدر نقوم بيه هيساعدنا نقويها ونوازنها
- نقعد فى هدوء وضهرنا مفرود
- نغمض عينينا ونتنفس بعمق
- اخلى تركيزى على منطقة شاكرا العجز اسفل السره
- اتخيل امواج من المياة الصافية وهى بتملأ منطقة شاكرا العجز وبتنضفها من اى طاقات سلبية
- اتخيل امواج المياة وهى بتملاها طاقة صافية وايجابية
- اراقب شعورى بالمنطقة دى هل تحول لشعور لطيف بالراحة
- لما احس انى مستعد احرك اطرافى بالراحة وافتح عينيا
يفضل اقعد دقائق فى هدوء بعد التمرين قبل ما ارجع امارس نشاطى اليومى بشكل عادى
ولو حابين توصلو للمواضيع السابقة بسهوله تقدرو تلاقوها هنا
https://www.reikihealingwithmaieltayeb.com/%D8%A7%D9%84%D9%…
#مى_الطيب
#شاكرا #شاكرا_العجز #sacral_chakra