الامان والطمأنينه من اهم المشاعر الانسانية الاساسية وجهازنا الطاقى بيقدر يساعدنا اننا نوصل للمشاعر دى لو كان فى حالة اتزان وانسيابية
الشاكرا المسئولة عن المشاعر دى هى شاكرا القاعدة او الجذر
شاكرا القاعدة هى مركز من مراكز الطاقة الاساسية والمهمة جدا
مكانها فى اسفل العمود الفقرى
ثبات واتزان شاكرا القاعدة بيأثر فينا على المستوى النفسى والصحى وليه علامات منها:
- الشعور بالامان والثبات
- الامان او الوفرة المالية
- الاستقلال
- ارتياحك لجسدك وشكله
وايه العلامات اللى تدلنى على وجود خلل او انسداد فى شاكرا القاعدة
- القلق الدائم وعدم الامان
- العنف
- الجشع او المادية المفرطة
- التسلط
- مقاومة التغيير
- التبعية
- اوجاع الضهر والقدمين
- احيانا برودة الاطراف (الكفين والقدمين)
ازاى اقدر اصلح الخلل ده
- الاكل: زى الجزر والبطاطس والبطاطا – البروتين – البقول –الطماطم – الكريز – الفلفل الرومى الاحمر
- استخدام بعض الزيوت العطرية العلاجية زى الباتشولى والمر (نقطه من الزيت مخففه على معلقة زيت زيتون او جوز هند او زيت لوز) يا اما بنشغله فى فواحه جمبنا او بندلك بيه مكان الشاكرا مع التأكد من ضرورة تخفيف الزيت
- استخدام بعض الاحجار والكريستالات زى الهيماتايت والريد جاسبر(بنلبسهم او نحطهم فى جيبنا او نحطهم جمبنا واحنا قاعدين)
- جلسات العلاج بالطاقة على ايد متخصصين بتساعد على فتحها واتزانها
وده تمرين نقدر نقوم بيه هيساعدنا نقويها ونوازنها
- نقعد فى هدوء وضهرنا مفرود
- نغمض عينينا ونتنفس بعمق
- اخلى تركيزى على منطقة شاكرا القاعدة فى اسفل العمود العمود الفقرى
- اراقب شعورى بالمنطقة دى هل هو راحة, الم ,ضيق؟
- اتخيل نور جميل ومشع وهو بيملأ المنطقة دى بالنور والطاقة لمدة خمس دقائق
- اراقب شعورى بالمنطقة دى تانى هل تحول لشعور لطيف بالراحة
- لما احس انى مستعد احرك اطرافى بالراحة وافتح عينيا
يفضل اقعد دقائق فى هدوء بعد التمرين قبل ما ارجع امارس نشاطى اليومى بشكل عادى
#مى_الطيب