علم الارقام

علم الارقام بشكل مبسط هو قائم على ان كل رقم ليه طاقة والطاقة دى ليها تأثير علينا بشكل مباشر

كل واحد فينا فى حياته مجموعة من الارقام بعضها بيأثر علينا بشكل قوى زى طاقة رقم تاريخ ميلادنا وطاقة اسمنا وبعضها ليه تأثير غير مباشر او طفيف

من الارقام الاساسية رقم بيسموه Life Path Number

الرقم ده متعلق بتاريخ ميلاد الشخص وتأثيره بيكون قوى لان الشخص ميقدرش يتحكم فى اختياره او تحديد معاده بخلاف طاقة الاسم مثلا

الارقام بتتراوح من 1 الى 9 بالاضافة الى رقمين مميزين هما 11 و22

كل رقم ليه تأثير طاقى محدد بيأثر على الشخص وطريقة رؤيته للحياة والطريقة المثلى اللى يقدر يعيش ويتعامل بيها فى الدنيا وبيوضحلنا كمان نقط الضعف اللى ممكن تكون فى الشخص علشان يقدر ياخد حذره منها

بالتأكيد دى ارقام مساعدة واسترشادية بتساعدنا نفهم نفسنا وايه اللى مناسب لينا وفهمها بيفر علينا مجهود كتير ممكن نعمله فى السكة الغلط

#مى_الطيب