كلنا عايزين نساعد اللى بنحبهم لكن للاسف الرغبه فى التغيير لازم تيجى من الشخص نفسه
طيب اعمل ايه لو حد عزيز عليا حياته بايظه ومش عايز يساعد نفسه
١- اول واقوى حاجه هى الدعاء ادعيله دايما بالخير وان ربنا ينورله الطريق الصح
٢- القبول: افرق بين قبولى للشخص ورفضى لسلوكه، انا بحبك وبقبلك لكنى مش قابل السلوك الخطأ
٣- اديله امل فى الحياه والمستقبل
٤- اشتغل على طاقة المكان المحيط بيه انه يكون ايجابى وبالتبعية هيأثر ايجابيا على الاشخاص اللى عايشين فيه
٥- ابعتله طاقة حب وسلام هتساعده يحب نفسه ويحاول يغير الوحش اللى فى حياته
٦- لو علاقتنا متقاربه ازواج او اخوات او اصدقاء مقربين اشتغل على طاقتى انا شخصيا واخليها ايجابية وبالتبعية هتأثر عليه
٧- تخلص من التعلق بالنتيجة وانك لازم تغيره ولازم حياته تكون احسن بسببك
واخيرا محدش مسئول عن حياة حد وان اى مساعدة هتقدمها للى بتحبهم دى اضافة وليست واجب عليك
#مى_الطيب